काठमाडौं । आज अर्थात आइतबार विभिन्न पाँच कम्पनीको लाभांश सुरक्षित गर्ने अन्तिम दिन रहेको छ ।
पुस १८ गते अर्थात आइतबार सेञ्चुरी कमर्सियल बैंकसहित पाँच कम्पनीको लाभांश सुरक्षित गर्ने अन्तिम दिन हो ।
आइतबार सेञ्चुरी कमर्सियल बैंक, मिर्मिरे लघुवित्त, मिथिला लघुवित्त, प्रोग्रेशिभ फाइनान्स र कालिका पावर कम्पनीको लाभांश सुरक्षित गर्ने अन्तिम दिन हो ।
यी पाँच वटै कम्पनीहरुले साधारण सभा तथा लाभांश वितरण प्रयोजनका लागि पुस १९ गते सोमबार बुक क्लोज गर्दैछन् । त्यसकारण आइतबारसम्म कायम सेयरधनीहरुले सभामा भाग लिन र लाभांश प्राप्त गर्नेछन् ।
सेञ्चुरी कमर्सियल बैंकले गत आर्थिक वर्ष २०७७/७८ को मुनाफाबाट सेयरधनीलाई ५. ७५ प्रतिशत बोनस सेयर र ०.३० प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो । उक्त प्रस्ताव पारितका लागि बैंकले पुस ३० गत साधारण सभा बोलाएको छ ।
आउँदो सोमबार अर्थात पुस १९ गतेदेखि २९गतेसम्म बुक क्लोज गर्न लागेको मिर्मिरे लघुवित्तले भने गत आवको मुनाफाबाट सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । उक्त प्रस्ताव पारित गर्न कम्पनीले पुस २९ गते सभा डोकेको छ ।
यस्तै, मिथिला लघुवित्तले पनि सोमबार बुक क्लोज गर्दैछ । पुस १८ गते (आइतवार) सम्म कायम सेयरधनीले साधारण सभामा भाग लिन र लाभांश पाउनेछन् ।
कम्पनीले गत आवको मुनाफाबाट २५ प्रतिशत बोनस सेयर र कर प्रयोजनका लागि १.३१ प्रतिशत नगद लाभांश वितरण गर्ने प्रस्ताव गरेको हो । उक्त प्रस्ताव पारितका लागि कम्पनीले पुस २९ गते सभा बोलाएको छ ।
त्यसैगरि प्रोगेशिभ फाइनान्स कम्पनीले पनि पुस १९ गते बुक क्लोज गर्ने भएको छ । त्यसकारण आइतवारसम्म कायम सेयरधनीले साधारण सभामा भाग लिन र लाभांश पाउनेछन् ।
कम्पनीले गत आवको मुनाफाबाट सेयरधनीलाई ७ प्रतिशत बोनस सेयर र कर प्रयोजनका लागि ०.३६८४ प्रतिशत नगद लाभांश वितरण गर्ने प्रस्ताव गरेको हो । उक्त प्रस्ताव पारितका लागि कम्पनीले पुस ३० गते सभा गर्ने भएको छ ।
यता, कालिका पावर कम्पनीले पनि साधारण सभा प्रयोजनको लागि पुस १९ गतेदेखि २१ गतेसम्म बुक क्लोज गर्नेभएको छ । त्यसकारण पुस १८ गतेसम्म कायम सेयरधनीहरुले सभामा भाग लिन र लाभांश पाउनेछन् ।
कम्पनीले गत आवको मुनाफाबाट सेयरधनीलाई १५ प्रतिशत बोनस सेयर र कर प्रयोजनका लागि ०.७८९५ प्रतिशत नगद लाभांश वितरण गर्ने प्रस्ताव गरेको हो । उक्त प्रस्ताव पारितका लागि कम्पनीले पुस ३० गते सभा बोलाएको छ ।
वि.सं.२०७८ पुस १८ आइतवार ०८:०४ मा प्रकाशित
