काठमाडौं । नेपाल राष्ट्र बैंकले अवकाश कोष अन्तर्गत पेन्सन तथा उपदान कोषमा रहेको रकम लगानी गर्ने भएको हो ।
राष्ट्र बैंकको उपदान तथा पेन्सन कोषमा रहेको १ अर्ब ७५ करोड रुपैयाँ एक वर्षका लागि मुद्दति निक्षेपका रुपमा लगानी गर्न लागेको हो ।
एक सूचना निकाल्दै बैंकले ‘क’ वर्गका वाणिज्य बैंकमा १ ४० करोड, ‘ख’ वर्गका राष्ट्रिय स्तरका विकास बैंकमा २६ करोड २५ लाख रुपैयाँ र ‘ग’ वर्गका राष्ट्रिय स्तर वित्त कम्पनीमा लगानी गर्न लागेको जनाएको छ ।
बैंकले उक्त रकम आउँदो माघ ३ गतेदेखि २०७९ माघ ३ गतेसम्म ३६६ दिनको मुद्दति निक्षेपका रुपमा लिन चाहेको रकक खोली पुस २० गते ४ बजेभित्र ब्याजदर प्रस्ताव आह्वान गरेको छ ।
बैंक तथा वित्तीय संस्था संचालनमा आएको कम्तीमा दुई वर्ष पुरा गरेको, बैंकबाट तोकिएको न्युनतम पुँजीकोष कायम रहेको, निष्कृय कर्जा कुल कर्जा सापटीको ५ प्रतिशत भन्दा कम, खुद तरल सम्पत्ति स्वदेशी निक्षेपको कम्तीमा २० प्रतिशत वा सो भन्दा बढी, कर्जा/स्वदेशी निक्षे र प्राथमिक पुँजी अनुपात बैंकले समय समयमा निर्धारण्ढा गरेको सीमा भित्र रहेको लगायतका शर्तहरु रहेका छन् ।
विस्तृतका लागि हेर्नुहोस्, सूचना
वि.सं.२०७८ पुस १८ आइतवार १४:४३ मा प्रकाशित