काठमाडौं । आज दुई कम्पनीको लाभांश सुरक्षित गर्ने अन्तिम दिन रहेको छ । सोमबार सिभिल बैंक र रिलायन्स फाइनान्सको लाभांश सुरक्षित गर्ने अन्तिम दिन हो ।
यी दुबै कम्पनीले साधारण सभा प्रयोजनको लागि भोलि पुस २० गते मंगलबार बुक क्लोज गर्ने भएको छ । योसँगै पुस १९ गते सोमवारसम्म कायम सेयरधनीले सभामा भाग लिन र लाभांश पाउनेछन् ।
सिभिल बैंक : सिभिल बैंकले गत आर्थिक वर्ष २०७७÷७८ को मुनाफाबाट सेयरधनीलाई ५.२६ प्रतिशत बोनस सेयर दिने भएको छ ।
बैंकले सेयरधनीहरुलाई ५ प्रतिशत बोनस सेयर र कर प्रयोजनका लागि ०.२६ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित लागि कम्पनीले पुस ३० गते साधारण सभा बोलाएको छ ।
रिलायन्स फाइनान्स : रिलायन्स फाइनान्सले पनि गत आवको मुनाफाबाट सेयरधनीलाई १५.७९ प्रतिशत लाभांश दिने प्रस्ताव गरेको छ ।
कम्पनीले सेयरधनीहरुलाई १५ प्रतिशत बोनस सेयर र कर प्रयोजनका लागि ०.७९ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले पुस ३० गते सभा बोलाएको छ ।
वि.सं.२०७८ पुस १९ सोमवार ०८:१२ मा प्रकाशित
