काठमाडौं । आज दुई कम्पनको लाभांश सुरक्षित गर्ने अन्तिम दिन रहेको छ ।
आज श्री इन्भेष्टमेण्ट एण्ड फाइनान्स र गुहेश्वरी मर्चेण्ट एण्ड फाइनान्स कम्पनीको लाभांश सुरक्षित गर्ने अन्तिम दिन हो ।
यी दुबै कम्पनीले साधारण सभा प्रयोजनको लागि पुस २२ गते बिहीबार बुक क्लोज गर्न लागेका छनु । योसँगै पुस २१ गतेसम्म कायम सेयरधनीले साधारण सभामा भाग लिन र लाभांश पाउनेछन् ।
श्री इन्भेष्टमेण्ट एण्ड फाइनान्स कम्पनीले सेयरधनीलाई गत आर्थिक वर्ष २०७७/७८ को मुनाफाबाट ७.७० प्रतिशत बोनस सेयर र करसहित ३.३० प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले पुस २९ गते साधारण सभा बोलाएको छ ।
यस्तै, गुहेश्वरी मर्चेण्ट एण्ड फाइनान्सले पनि साधारण सभा प्रयोजनका लागि पुस २२ गते बिहीबार बुक क्लोज गर्ने भएको छ । योसंगै आज अर्थात बुधवारसम्म कायम सेयरधनीहरुले मात्र सभामा भाग लिन र लाभांश पाउन सक्नेछन् ।
कम्पनीले गत आवको मुनाफाबाट सेयरधनीहरुलाई १० प्रतिशत बोनस सेयर र कर प्रयोजनका लागि ०.५२६३ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारित गर्नका लागि कम्पनीले पुस २९ गते साधारण सभा डाकेको छ ।
वि.सं.२०७८ पुस २१ बुधवार ०८:०३ मा प्रकाशित