काठमाडौं । नेपाली बजारमा छापावाला सुनको मूल्यमा गिरावट आएको छ । यस साता छापावाला सुनको भाउ प्रतितोला १ हजार १ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार गत शुक्रबार अर्थात पुस १६ गते ९२ हजार ७ सय रुपैयाँमा कारोबार भएको सुन यस साताको अन्तिम कारोबार दिन घटेर ९१ हजार ६ सय रुपैयाँ कायम भएको छ ।
महासंघका अनुसार गत साताको अन्तिम कारोबार दिन ९२ हजार २ सय रुपैयाँमा कारोबार भएको तेजावी सुनको मूल्य यस साताको अन्त्यसम्म आईपुग्दा १९ हजार १ सय रुपैयाँमा झरेको छ ।
यस्तै, एक सातामा चाँदीको मूल्यमा पनि गिरावट आएको छ । यस साता नेपाली बजारमा चाँदीको मूल्य प्रतितोला ३५ रुपैयाँले घटेको हो ।
गत सातको अन्तिम कारोबार दिन १ हजार २६० रुपैयाँमा खरिदिबिक्री भएको चाँदी यस साताको सोही दिनसम्म आईपुग्दा १ हजार २२५ रुपैयाँ कायम भएको महासंघले जनाएको छ ।
वि.सं.२०७८ पुस २४ शनिवार १३:५१ मा प्रकाशित