काठमाडौं । भोलि अर्थात आइतबार महालक्ष्मी विकास बैंकसहित तीन कम्पनीको साधारण सभा हुँदैछ ।
उक्त दिन महालक्ष्मी विकास बैंक, निर्धन उत्थान लघुवित्र वित्तीय संस्था र माउन्टेन इनर्जी नेपालको साधारण सभा हुँदैछ ।
आइतबार महालक्ष्मी विकास बैंकको २०औं वार्षिक साधारण सभा आर्मी अपिसर्स क्लब भद्रकाली टुडिखेलमा बिहान ११ बजे सुरु हुँदैछ । सभामा लाभांश पारित गर्ने मुख्य एजेण्डा रहेको छ ।
सभाले २१.०५२६ प्रतिशत लाभांश वितरण गर्ने प्रस्ताव पारित गर्नेछ । बैंक गत आर्थिक वर्ष २०७७/७८ मुनाफाबाट २० प्रतिशत बोनस सेयर र कर प्रयोजनका लागि १.०५२६ प्रतिशत नगद लाभांश वितरण गर्ने प्रस्ताव पारित गर्नेछ ।
साथै, सभाले आव २०७७÷७८ को वार्षिक प्रतिवेदन छलफल गरी पारित गर्ने र आव २०७८/७९ को लागि लेखापरीक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
साधारण सभा प्रयोजनको लागि कम्पनीले पुस १३ गते (एक दिन) बुक क्लोज गरिसकेको छ । पुस १२ गतेसम्म कायम सेयरधनीले सभामा भाग लिन र लाभांश पाउनेछन् ।
यस्तै, भोलि अर्थात पुस २५ गते निर्धन उत्थान लघुवित्त वित्तीय संस्थाले २३औं वार्षिक साधारण सभा गर्ने भएको छ । सभाले पनि लाभांश पारित गर्ने मुख्य एजेण्डा रहेको छ ।
सभाले २९.५ प्रतिशत बोनस सेयर र कर प्रयोजनका लागि १.५५ प्रतिशत नगद लाभांश वितरण गर्ने प्रस्ताव पारित गर्नेछ ।
कम्पनीले सभा प्रयोजनको लागि पुस १३ गतेदेखि २५ गतेसम्म बन्द रहने छ । पुस १२ गतेसम्म कायम सेयरधनीले सभामा भाग लिन र लाभांश पाउनेछन् ।
त्यसैगरि माउन्टेन इनर्जी नेपालले आठौं वार्षिक साधारण सभा आइतबार हुँदैछ ।
सभाले आव २०७७/७८ को वार्षिक प्रतिवेदन छलफल गरी पारित गर्ने र आव २०७८/७९ को लागि लेखापरीक्षकको नियुक्ती र निजको पारीश्रमिक निर्धारण गर्ने प्रस्ताव पनि पारित गर्नेछ ।
कम्पनीले सभा प्रयोजनको लागि पुस १२ गते बुक क्लोज गरिसकेको छ । यस आधारमा पुस ११ गतेसम्म कायम सेयरधनीले सभामा भाग लिन पाउनेछन् ।
वि.सं.२०७८ पुस २४ शनिवार १८:१२ मा प्रकाशित
