काठमाडौं । साताको पहिलो कारोबार दिन सुनचाँदीको मूल्य स्थिर रहेको छ । आइतबार सुनचाँदीको मूल्यमा कुनै पनि थपघट नभएको हो ।
नेपाली सुनचाँदी व्यवसायी महासंघका अनुसार अघिल्लो दिन अर्थात शुक्रबार प्रतितोला ९१ हजार ६ सय रुपैयाँमा कारोबार भएको सुन आज पनि सोही मूल्य कायम भएको हो ।
आइतबारका लागि तेजावी सुनको मूल्य ९१ हजार १ सय रुपैयाँ निर्धारण भएको महासंघले जनाएको छ । अघिल्लो दिन पनि तेजावी सुन सोही मूल्य कायम भई कारोबार भएको थियो ।
यस्तै, आज चाँदीको मूल्य पनि स्थिर रहेको छ । शुक्रबार प्रतितोला १ हजार २२५ रुपैयाँमा कारोबार भएको चाँदी आज पनि सोही मूल्य कायम भएको महासंघले जनाएको छ ।
वि.सं.२०७८ पुस २५ आइतवार ११:०५ मा प्रकाशित
