काठमाडौं । वेष्ट फाइनान्स कम्पनीले आधा दर्जन बढी संस्थापक सेयरधनीहरुको नाममा रहेको संस्थापक सेयर बिक्री गर्ने भएको छ ।
कम्पनीले ८ जना संस्थापक सेयरधनीहरुको नाममा रहेको १ लाख १५ हजार ५८५ कित्ता संस्थापक सेयर बिक्री गर्न लागेको हो ।
कम्पनीले संस्थापक सेयरधनी नेचोङ्ग गुरुङको नाममा रहेको ६३ हजार ४३७ कित्ता, गौतम कुमार श्रेष्ठको १४ हजार ७०९ कित्ता, राजु मानन्धरको ११ लाख ५६ कित्ता, राजुकाजी शाक्यको ७ हजार ८६८ कित्ता संस्थापक सेयर बिक्री गर्न लागेको हो ।
यस्तै, कम्पनीले संस्थापक सेयरधनी जयन्त हाडाको नाममा रहेको ७ हजार ३७० कित्ता, राजेन्द्र रत्न बज्राचार्यको ७ हजार ३७० कित्ता, बिरेन्द्र श्रेष्ठको ३ हजार ६८५ कित्ता र शेखर बहादुर प्रधानको ९० कित्ता संस्थापक सेयर बिक्री गर्न लागेको जनाएको छ ।
उक्त संस्थापक सेयर खरिद गर्न इच्छुक योग्य फाइनान्सका संस्थापकहरुले आवेदन दिन सक्नेछन् । संस्थापक सेयरधनीहरुले आजैका मितिले ३५ दिन भित्र कम्पनीको केन्द्रीय कार्यालयमा निवेदन पेश गर्नुपर्नेछ ।
तोकिएको मितिभित्र कुनै पनि संस्थापक सेयरधनीहरुले सेयर खरिदबिक्रीका लागि आवेदन नदिएमा प्रचलित कानून बमोजिम अन्य व्यक्ति÷संस्थालाई बिक्री गर्न सकिने सूचनामा उल्लेख छ ।
वि.सं.२०७८ पुस २५ आइतवार १२:२७ मा प्रकाशित