काठमाडौं । फुटवेयर म्यानुफ्याक्चरर्स एशोसिएसन अफ नेपाल(एफम्यान) ले रक्तदान कार्यक्रम सम्पन्न गरेको छ ।
संस्थाले २२औं वार्षिकोत्सवको अवसरमा व्यावसाय, समाज र सामाजिक उत्तरदायित्व भन्ने नाराका साथ आज रक्तदान कार्यक्रमको आयोजना गरको हो ।
गोल्डस्टार सुजको प्राङ्गणमा सम्पन्न उक्त कार्यक्रममा ७३ जनाले रक्तदान गरेका थिए । बढ्दै गईरहेको कोरोना सङ्क्रमणका कारण देशभर रगत अभाव हुन नदिन तथा रगतको आपुर्ती सहज होस भनि आज रक्तदान कार्यक्रम आयोजना गरिएको संस्थाका अध्यक्ष नानीराज घिमिरेले बताए ।
संस्थाले सामाजिक उत्तरदायित्व बहन गर्दै विभिन्न कार्यक्रमहरु गर्दै आईरहेको र आगामी दिनमा पनि जारी रहने संस्थाका महासचिव ज्ञानेन्द्र दाहालले बताए ।
संघका पुर्व अध्यक्ष, सल्लाहकार, एवं कार्यसमिति र संघका सदस्यहरुको सहयोगमा कार्यक्रम आयोजना गरिएको हो ।
कोरोना संक्रमणको तेस्रो लहरकोे जोखिमलाई मध्यनजर गर्दै सामाजिक दुरी कायम गर्दै रक्तदान गरिएको हो ।
वि.सं.२०७८ पुस २७ मंगलवार २१:५९ मा प्रकाशित