काठमाडौं । प्रिमियर इन्स्योरेन्स कम्पनीको लाभांश परिर्माजन भएको छ । कम्पनीको पुस २८ गते बुधबार बसेको सञ्चालक समितिको बैठकले लाभांश परिमार्जन गरेको हो ।
बीमा समितीले निर्जीवन बीमा कम्पनीलाई नगद लाभांश वितरणमा पूर्णरूपमा (कर प्रयोजन बाहेक) लगाएपछि कम्पनीको लाभांश परिवर्तन भएको हो ।
कम्पनीले यसअघि नै गत आवको नाफाबाट ७.५ प्रतिशत बोनस सेयर र ७.५ प्रतिशत नगद लाभांश वितरणको घोषणा गरेको थियो । तर, अब कम्पनीले बिमा समितीको निर्देशन पछि गत आर्थिक बर्षको मुनाफाबाट सेयरधनीलाई १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद लाभांश वितरण गर्ने प्रस्ताव गरेको छ ।
उक्त लाभांश पारित गर्न कम्पनीले आउँदो माघ २१ गते भर्चुअल माध्यमबाट वार्षिक साधाराण सभा आयोजना गरेको छ ।
सभामा आर्थिक वर्ष २०७७/७८ को वार्षिक प्रतिवेदनबारे छलफल गरी पारित गर्ने,कम्पनीको आर्थिक वर्ष २०७७/७८ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ ।
यस्तै, सभामा आर्थिक वर्ष २०७८/७९ को लागि लेखापरीक्षक नियुक्ति गरी पारिश्रमिक पनि तोकिनेछ ।
साधारण सभा तथा लाभांश वितरण प्रयोजनका लागि कम्पनीले ५ माघ देखि २१ गतेसम्म बुक क्लोज गर्नेछ । यसका आधारमा ४ माघसम्म कायम सेयरधनीले मात्रै सभामा माग लिन र लाभांश प्राप्त गर्न सक्नेछन् ।
वि.सं.२०७८ पुस २९ बिहीवार १२:०८ मा प्रकाशित