काठमाडौं । ज्योति लाइफ इन्स्योरेन्य कम्पनी यसअघि प्रस्ताव गरेको लाभांश परिमार्जन भएको छ ।
कम्पनीले पहिलो पटक दिन लागेको यस अघिको प्रस्तावित लाभांश बीमा समितिको निर्देशनपछि परिमार्जन गरिएको हो ।
कम्पनीले यसअघि अघिल्लो आर्थिक वर्ष २०७६/७७ सम्मको सञ्चित मुनाफाबाट शेयरधनीहरुलाई चुक्ता पूँजीको ५ प्रतिशत बोनस सेयर र कर प्रयोजन सहित ५.५२ प्रतिशत नगद गरी कुल १०.५२ प्रतिशत लाभांश वितरण गर्ने घोषणा गरेको थियो ।
बीमा समितिको निर्देशनपछि अब कम्पनीले चुक्ता पूँजीको १० प्रतिशत बोनस सेयर र कर प्रयोजनार्थ सहित ०.५२६ प्रतिशत नगद गरी कुल १०.५२६३ प्रतिशत लाभांश वितरण गर्ने भएको छ ।
उक्त लाभांश बीमा समितिबाट स्वीकृत भई कम्पनीको आगामी वार्षिक साधारण सभाले पारित गरेपश्चात मात्र लगानीकर्तालाई वितरण हुनेछ ।
वि.सं.२०७८ माघ ९ आइतवार ११:२६ मा प्रकाशित