काठमाडौं । साताको पहिलो कारोबार दिन सेयर बजारमा उछाल आएको छ । उक्त दिन बजार १०५.५५ अंकले वृद्धि भएको छ ।
आइतबार बजार परिसुचक भने २८८५ अंकको बिन्दुमा पुगेर बन्द भएको छ । आज ६ अर्ब ३२ करोड २७ लाख ७४ हजार रुपैयाँ बराबरको सेयर कारोबार भएको हो । उक्त दिन सबै समूहहरु हरियाली बनेका छन् ।
उक्त दिन चार कम्पनीको सेयर मूल्यमा सकरात्क सर्किट लागेको छ । आज विन नेपाल लघुवित्त वित्तीय संस्था, लिवर्टी इनर्जी, शिवश्री हाइड्रोपावर र नेपाल इन्फ्रास्ट्रक्चर बैंकको सेयर मूल्य १० प्रतिशतले वृद्धि भएको हो ।
यस्तै, आज अपि पावरको सर्वाधिक सेयर कारोबार भएको छ । उक्त दिन कम्पनीको २३ करोड १५ लाख १६ हजार रुपैयाँ बराबरको सेयर खरिदबिक्री भएको हो ।
कारोबार रकमकै आधारामा दोस्रो स्थानमा रहेको नेपाल दुरसञ्चार कम्पनीको २३ करोड ६२ लाख ९ हजार रुपैयाँ बराबरको सेयर किनबेच भएको हो ।
यस्तै, उक्त दिन एचआईडीसीएलको २३ करोड ३ लाख ९८ हजार र अरुण भ्याली हाइड्रोपावरको २१ करोड ९६ लाख ३६ हजार रुपैयाँ बराबरको सेयर खरिदबिक्री भएको छ ।
वि.सं.२०७८ माघ १६ आइतवार १५:१३ मा प्रकाशित
