काठमाडौं । साताको तेस्रो कारोबार दिन सुनको मूल्यमा सामान्य वृद्धि भएको छ । मंगलबार नेपाली बजारमा छापावाला सुन प्रतितोला १ सय रुपैयाँले वृद्धि भएको हो ।
अघिल्लो दिन ९१ हजार ८ सय रुपैयाँमा कारोबार भएको सुन आज बढेर ९१ हजार ९ सय रुपैयाँ कायम भएको हो ।
नेपाल सुनचाँदी व्यवसायी महासंघका अनुसार आज तेजावी सुनको मूल्य ९१ हजार ४ सय रुपैयाँ कायम भएको छ । तेजावी सुन सोमबार ९१ हजार ३ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य भने स्थिर रहेको छ । अघिल्लो दिन १ हजार २४० रुपैयाँमा कारोबार भएको चाँदी आज पनि सोही मूल्यमा खरिदबिक्री हुने महासंघले जनाएको छ ।
वि.सं.२०७८ माघ १८ मंगलवार ११:०१ मा प्रकाशित