काठमाडौं । नेरुडे लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले उक्त अवधिमा १३ करोड १६ लाख १८ हजार रुपैयाँ नाफा कमाएको छ । जुन गत वर्षको पुस मसान्तसम्मको तुलनामा ७७.३१ प्रतिशतले बढी हो । गत वर्षको सोही अवधिमा कम्पनीले ७ करोड ४२ लाख २८ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि ३५.६९ प्रतिशतले वृद्धि भई ३३ करोड ६५ लाख ४२ हजार रुपैयाँ पुगेको छ । गत वर्षको सोही अवधिमा कम्पनीको यो आम्दानी २४ करोड ८० लाख ८ हजार रुपैयाँ रहेको थियो ।
कम्पनीको संचान मुनाफामा भने ११.२८ प्रतिशतको गिरावट देखिएको छ । गत वर्षको पुस मसान्तसम्ममा ११ करोड ७८ लाख २२ हजार रुपैयाँ मुनाफा गरेको कम्पनीको यस वर्षको सोही अवधिमा भने १० करोड ४५ लाख २८ हजार रुपैयाँ रहेको छ ।
कम्पनीको चुक्ता पुँजी ६० करोड रुपैयाँ रहेको छ । कम्पनीले जगेडा तथा कोषमा भने ६३ करोड ३३ लाख ९० हजार रुपैयाँ राखेको छ ।
कम्पनीको खराब कर्जा भने बढेको छ । गत वर्षको पुस मसान्तसम्ममा ४.२७ प्रतिशत रहेको खराब कर्जा यस वर्षको सोही अवधिमा भने बढेर ४.६८ प्रतिशत पुगेको छ ।
कम्पनीको प्रतिसेयर आम्दानी ४३ रुपैयाँ ८७ पैसा र प्रतिसेयर नेटवर्थ २०५ रुपैयाँ ५७ पैसा रहेको छ ।
वि.सं.२०७८ माघ २० बिहीवार ११:५४ मा प्रकाशित
