काठमाडौं । नेपाल हाइड्रो डेभलोपर कम्पनीले चालु आर्थिक वर्षको दोस्रो त्रैमाससम्ममा २ करोड ३१ लाख ६३ हजार रुपैयाँ नाफा कमाएको छ ।
शुक्रबार कम्पनीले सार्वजनिक गरेको चालु आवको दोस्रो त्रैमासिक वित्तीय विवरणले यस्तो देखाएको हो । कम्पनीको नाफा गत वर्षको पुस मसान्तको तुलनामा भने ९६.१९ प्रतिशतले बढी हो । गत वर्षको सोही अवधिमा कम्पनीको नाफा १ करोड १८ लाख ६ हजार रुपैयाँ रहेको थियो ।
कम्पनीको विद्युत बिक्री आम्दानी बढेसंगै नाफा वृद्धिमा टेवा पुगेको हो । चालु आवको ६ महिनाको अवधिमा कम्पनीको विद्युत बिक्रीबाट हुने आम्दानी पनि वृद्धि भएको छ ।
उक्त अवधिमा कम्पनीले ५ करोड ४९ लाख १२ हजार रुपैयाँ आम्दानी गरेको छ । जुन गत वर्षको सोही अवधिको तुलनामा २६.६७ प्रतिशतले बढी हो । गत वर्षको पुस मसान्तसम्ममा कम्पनीको विद्युत बिक्रीबाट हुने आम्दानी ४ करोड ३३ लाख ५० हजार रुपैयाँ रहेको थियो ।
कम्पनीको चुक्ता पुँजी ३१ करोड ९९ लाख ३० हजार रुपैयाँ रहेको छ । कम्पनीले जगेडा तथा कोषमा भने २ करोड ३२ लाख ९१ हजार रुपैयाँ राखेको छ ।
कम्पनीको प्रतिसेयर आम्दानी पनि ५ रुपैयाँ ४ पैसाले वृद्धि भई १४ रुपैयाँ ४८ पैसा पुगेको छ । कम्पनीको प्रतिसेयर नेटवर्थ भने ११४ रुपैयाँ ७९ पैसा रहेको छ ।
वि.सं.२०७८ माघ २१ शुक्रवार १२:३७ मा प्रकाशित
