काठमाडौं । आज अर्थात माघ २३ गते दुई कम्पनीको लाभांश सुरक्षित गर्ने अन्तिम दिन रहेको छ ।
उक्त दिन लाइफ इन्स्यारेन्स कर्पोरेशन नेपाल र जानकी फाइनान्सको लाभांश गर्ने अन्तिम दिन हो ।
यी दुवै कम्पनीहरुले वार्षिक साधरण सभा तथा लाभांश वितरण प्रयोजनका लागि माघ २४ गते बुक क्लोज गर्ने भएका छन् ।
योसंगै कम्पनीहरुको सभामा भाग लिन र लाभांश पाउनका लागि आजसम्म (माघ २३ गतेसम्म) सेयरधनी बनीसक्नुपर्नेछ ।
लाइफ इन्स्योरेन्स कर्पोरेशन नेपालले साधारण सभा तथा लाभांश वितरण प्रयोजनका लागि माघ २४ गतेदेखि फागुन ११ गतेसम्म बुक क्लोज गर्नेभएको छ ।
कम्पनीले आर्थिक वर्ष २०७६–७७ को मुनाफाबाट सेयरधनीलाई २१ प्रतिशत लाभांश वितरण गर्ने प्रस्ताव गरेको छ । जसमध्ये २० प्रतिशत बोनस सेयर र कर प्रयोजनका लागि १।०५३ प्रतिशत नगद लाभांश वितरण गर्ने प्रस्ताव गरेको हो । उक्त प्रस्ताव पारितका लागि कम्पनीले फागुन ११ गते साधारण सभा बोलाएको छ ।
यस्तै, जानकी फाइनान्सले पनि सोमबार अर्थात माघ २४ गतेदेखि फागुन ६ गतेसम्म बुक क्लोज गर्ने भएको छ । योसंगै कम्पनीको साधारण सभा भाग लिन र लाभांश पाउनका लागि माघ २३ गतेसम्म सेयरधनी बन्नुपर्नेछ ।
कम्पनीले गत आव २०७७–७८ को मुनाफाबाट सेयरधनीलाई १५.०७८ प्रतिशत लाभांश वितरणको प्रस्ताव गरेको छ । जसमध्ये १५ प्रतिशत बोनस सेयर र कर प्रयोजनका लागि ०.७८९५ प्रतिशत नगद लाभांश वितरण गर्ने प्रस्ताव गरेको हो ।
उक्त प्रस्ताव पारितका लागि कम्पनीले आगामी फागुन ७ गते साधारण सभा बोलाएको छ ।
वि.सं.२०७८ माघ २३ आइतवार १२:०९ मा प्रकाशित
