काठमाडौं । बुटवल पावर कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
कम्पनीले चालु आवको ६ महिनाको अवधिमा १८ करोड १४ लाख ६५ हजार रुपैयाँ नाफा कमाएको छ । जुन गतवर्षको सोही अवधिको तुलनामा भने ३१.११ प्रतिशतले बढी हो । गत वर्षको पुस मसान्तसम्ममा कम्पनीले १३ करोड ८३ लाख ९८ हजार रुपैयाँ नाफा गरेको थियो ।
कम्पनीको विद्युत बिक्री आम्दानी पनि ८.४० प्रतिशतले वृद्धि भई ४२ करोड ३१ लाख २२ हजार रुपैयाँ पुगेको छ । गत वर्षको पुस मसान्तसम्ममा कम्पनीको यो आम्दानी ३९ करोड ३ लाख २० हजार रुपैयाँ रहेको थियो ।
चालु आवको ६ महिनाको अवधिमा कम्पनीको संचालन मुनाफा १९ करोड ३६ लाख १९ हजार रुपैयाँ रहेको छ । गत मुनाफा गत वर्षको सोही अवधिको तुलनामा १८.३५ प्रतिशतले बढी हो । गत वर्षको पुस मसान्तसम्ममा कम्पनीको संचालन मुनाफा १६ करोड ३५ लाख ८९ हजार रुपैयाँ रहेको थियो ।
कम्पनीको चुक्ता पुँजी २ अर्ब २४ करोड ६३ लाख २७ हजार रुपैयाँ रहेको छ । कम्पनीको प्रतिसेयर आम्दानी ५ रुपैया ५९ पैसा र प्रतिसेयर नेटवर्थ २१२ रुपैयाँ ४३ पैसा रहेको छ ।
वि.सं.२०७८ माघ २३ आइतवार १२:५० मा प्रकाशित