काठमाडौँ । लाइफ इन्स्योरेन्स कर्पाेरेशन (नेपाल) लिमिटेडको दोस्रो त्रैमासको नाफामा ३३ प्रतिशतको गिरावट आएकोम छ ।
गत आर्थिक वर्षको सोही अवधिको तुलनामा चालु आर्थिक वर्षको यो मुनाफा कम देखिएको हो ।
समिक्षा अवधिमा कम्पनीले ७ करोड ६९ लाख रुपैयाँ नाफा गरेको छ । जबकी गत आर्थिक वर्षको सोही अवधिमा कम्पनीले ११ करोड ५६ लाख रुपैयाँ नाफा कमाएको थियो ।
सार्वजनीक वित्तीय विवरण अनुसार कम्पनीको बीमा शुल्क आर्जनमा पनि गिरावट देखिएको छ । गत आर्थिक वर्षको दोस्रो त्रैमासमा आउँदा ९ अर्ब ६१ करोड १७ लाख रुपैयाँ आर्जन गरेकोमा चालु आर्थिक वर्षको सोही अवधिमा मात्रै ९ अर्ब ६३ करोड ४७ लाख रुपैयाँ बीमा शुल्क आर्जन गरेको छ ।
यता दाबी भुक्तानीमा भने वृद्धि भएको छ । कम्पनीले गत आर्थिक वर्षको समिक्षा अवधिमा ४ अर्ब ५४ करोड ७६ लाख रुपैयाँ दाबी भुक्तानी गरेकोमा यो वर्षको सोही अवधिमा ५ अर्ब २९ करोड ८४ लाख रुपैयाँ भुक्तानी गरेको छ ।
कम्पनीको चुक्ता पुजीँ २ अर्ब २१ करोड १० लाख रुपैयाँ रहेको छ । यता जगेडा कोषमा १ अर्ब २३ करोड ५० लाख रुपैयाँ छ । प्रमुख वित्तीय सूचक माथि उल्लेखित रहेको यो कम्पनीको प्रति सेयर आम्दानी ३.४८ रुपैयाँ र प्रति सेयर नेटवर्थ १७१.३२ रहेको छ ।
वि.सं.२०७८ माघ २८ शुक्रवार १८:१५ मा प्रकाशित