काठमाडौं । नेपाल टेलिकम लिमिटेडले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको पुस मसान्तसम्ममा ३ अर्ब ८९ करोड ७८ लाख ७५ हजार रुपैयाँ नाफा कमाएको छ । कम्पनीको यो नाफा गत वर्षको सोही अवधिको तुलनामा भने १८.५० प्रतिशतले बढी हो । गत वर्षको सोही अवधिमा कम्पनीले ३ अर्ब २८ करोड ९३ लाख ९४ हजार रुपैयाँ नाफा कमाएको थियो ।
चालु आवको ६ महिनको अवधिमा कम्पनीको बिक्री आम्दानी पनि ८.३६ प्रतिशतले वृद्धि भई १९ अर्ब २० लाख ७२ लाख १७ हजार रुपैयाँ पुगेको छ । गत वर्षको पुस मसान्तसम्ममा कम्पनीको यो आम्दानी १७ अर्ब ७२ करोड ४९ लाख १४ हजार रुपैयाँ रहेको थियो ।
उक्त अवधिमा कम्पनीको कुल आम्दानी पनि ६.८७ प्रतिशतले वृद्धि २१ अर्ब ९८ करोड ९१ लाख ८८ हजार रुपैयाँ पुगेको छ ।
कम्पनीको चुक्ता पुँजी १५ अर्ब रुपैयाँ रहेको छ । कम्पनीले जगेडा तथा कोषमा भने ७८ अर्ब ५८ करोड २८ लाख ९९ हजार रुपैयाँ राखेको छ ।
चालु आवको पुस मसान्तसम्ममा कम्पनीको प्रतिसेयर आम्दानी पनि ८ रुपैयाँ ११ पैसाले वृद्धि ५१ रुपैयाँ ९७ पैसा पुगेको छ । कम्पनीको प्रतिसेयर नेटवर्थ ६२३ रुपैयाँ ८९ पैसा रहेको छ ।
वि.सं.२०७८ माघ २९ शनिवार १४:५८ मा प्रकाशित
