काठमाडौं । अपि पावर कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको ६ महिनाको अवधिमा कम्पनीले १४ करोड ३० लाख ५० हजार रुपैयाँ नाफा कमाएको छ । कम्पनीको यो नाफा गत वर्षको पुस मसान्तसम्मको तुलनामा भने ०.११ प्रतिशतले कमी हो । गत वर्षको सोही अवधिमा कम्पनीले १४ करोड ३२ लाख १२ हजार रुपैयाँ नाफा गरेको थियो ।
उक्त अवधिमा कम्पनीले विद्युत बिक्रीबाट हुने आम्दानी ३०.०५ प्रतिशतले वृद्धि भई ३१ करोड ४६ लाख ८६ हजार रुपैयाँ पुगेको छ । गत वर्षको पुस मसान्तसम्ममा कम्पनीको यो आम्दानी २४ करोड १९ लाख ६७ हजार रुपैयाँ रहेको थियो ।
कम्पनीको चुक्ता पुँजी २ अर्ब ७५ करोड ८९ लाख १५ हजार रुपैयाँ रहेको छ । कमपनीले जगेडा तथा कोषमा भने २३ करोड २३ लाख ९ हजार रुपैयाँ रहेको छ ।
कम्पनीको प्रतिसेयर आम्दानी १० रुपैयाँ ३७ पैसा र प्रतिसेयर नेटवर्थ १०८ रुपैयाँ ४२ पैसा रहेको छ ।
कम्पनीले १ करोड ८ लाख ६० हजार कित्ता हकप्रद सेयर निष्काशनको तयारीमा रहेको छ ।
कम्पनीले १ बराबर ०.३९३६ को अनुपातमा हकप्रद सेयर निष्काशन गर्नका लागि नेपाल धितोपत्र बोर्डमा निवेदन दिएको छ । कम्पनीले बोर्डमा कम्पनीले गत असोज २५ गते निवेदन दिएको छ ।
वि.सं.२०७८ फागुन १ आइतवार ०७:४५ मा प्रकाशित