काठमाडौं । प्रहरी प्रधान कार्यालय, केन्द्रीय अनुसन्धान ब्यूरो(सीआईबी)ले जवरजस्ती करणी मुद्दामा फरार व्यक्तिलाई पक्राउ गरेको छ ।
सीआईबीले जवरजस्ती करणी मुद्दामा फरार संखुवासभा जिल्ला साविक मकालु गा.बि.स. वडा नं. ९ हालको मकालु गा.पा. वडा नं. १ बस्ने मिङ्तेम्बा शेर्पालाई पक्राउ गरेको हो । घर फर्कदै गरेकी महिलालाई मकालु गा.पा.स्थित चत्चेक भन्ने स्थानमा एक्लै फेला पारी मारिदिने धम्की दिई जबरजस्ती करणी गरेको ठहर गरेको छ ।
संखुवासभा जिल्ला अदालतबाट मिति २०६१ /१२/१० मा प्रतिवादी मिङ्तेम्बा शेर्पालाई साविक मुलुकी ऐन, जवरजस्ती करणीको महल वमोजिम ५ बर्ष कैद हुने र प्रतिवादीको अंश भागबाट आधा पिडित महिलाले पाउने फैसला भएको थियो । निजलाई फैसला कार्यान्वयनको लागि आज फागुन ३ गते सम्मानित काठमाडौं जिल्ला अदालतमा पेश गरेको जानकारी दिएको छ ।
वि.सं.२०७८ फागुन ३ मंगलवार १४:१४ मा प्रकाशित