काठमाडौं । आउँदो फागुन ११ गतेदेखि नेष्डो समृद्ध लघुवित्त वित्तीय संस्थाले आईपीओ निष्काशन तथा बिक्री खुला गर्ने भएको छ ।
कम्पनीले ८ करोड २८ लाख ७५ हजार रुपैयाँ बराबरको ८ लाख २८ हजार ७५० कित्ता आईपीओ निष्काशन तथा बिक्री खुला गर्न लागेको हो ।
कम्पनीले निष्कासन गर्न लागेको कुल ८ लाख २८ हजार ७५० कित्ता सेयरमध्ये १२ हजार ७५० कित्ता कर्मचारीहरुका लागि, ४१ हजार ४३७ कित्ता सामूहिक लगानी कोष र बाँकी ७ लाख ७४ हजार ५६३ कित्ता सर्वसाधरणका लागि छुट्याएको छ ।
कम्पनीको उक्त आईपीओमा छिटोमा फागुन १५ गते र माग बमोजिम आवेदन नपरेको खण्डमा फागुन २५ गतेसम्म आवेदन दिन सकिनेछ ।
उक्त आईपीओ न्यूनतम १० कित्ता र अधिकतम १ हजार कित्तासम्मका लागि आवेदन दिन सक्नेछन् । कम्पनीको आईपीओ निष्काशन तथा बिक्री प्रवन्धकमा ग्लोबल आइएमई क्यापिटल रहेको छ ।
वि.सं.२०७८ फागुन ४ बुधवार १०:५६ मा प्रकाशित
