काठमाडौं । भोलि अर्थात फागुन ६ गते शुक्रबार दुई कम्पनीले वार्षिक साधारण सभा गर्दै छन् ।
उक्त दिन ज्योति लाइफ र अजोड इन्स्योरेन्स कम्पनीले सभा गर्ने भएका हुन् । उक्त दिन हुने ज्योति लाईफको वार्षिक साधारण सभामा लाभांश पारित गर्ने मुख्य एजेण्डा रहेको छ ।
कम्पनीले आर्थिक वर्ष २०७६/७७ को मुनाफाबाट सेयरधनीहरुलाई १०.५२ प्रतिशत लाभांश दिने प्रस्ताव गरेको छ ।
जसमध्ये १० प्रतिशत बोनस सेयर र कर प्रयोजनका लागि ०.५२६३ प्रतिशत नगद लाभांश दिने भएको हो । सभा प्रयोजनका लागि कम्पनीले माघ २४ गते बुक क्लोज गरेको छ ।
यस्तै, उक्त दिन अजोड इन्स्योरेन्स कम्पनीको पनि वार्षिक साधारण सभा हुँदैछ । कम्पनीले भने लगानीकर्ता लाभांश वितरणको प्रस्ताव गरेको छैन ।
तर, कम्पनीको सभाले सञ्चालक समितिको तर्फबाट अध्यक्षद्वारा आर्थिक वर्ष २०७७/७८ को वार्षिक प्रतिवेदनबारे छलफल गरी पारित गर्नेछ ।
यसका साथै आव २०७७/७८ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गर्नेछ ।
कम्पनीको सोही सभाले आव २०७८/७९ को लागि लेखापरीक्षक नियुक्ति गरी पारिश्रमिक पनि तोकिनेछ । साधारण सभा प्रयोजनार्थ कम्पनीले माघ २४ गते बुक क्लोज गरेको छ ।
वि.सं.२०७८ फागुन ५ बिहीवार १८:३९ मा प्रकाशित
