काठमाडौं । साताको दोस्रो कारोबार दिन सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला ४ सय रुपैयाँले घटेको हो ।
अघिल्लो दिन ९६ हजार ६ सय रुपैयाँमा कारोबार भएको सुन आज घटेर ९६ हजार २ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य भने ९५ हजार ७ सय रुपैयाँ तोकिएको छ । आइतबार तेजावी सुन ९६ हजार १ सय रुपैयाँमा कारोबार भएको थियो ।
यस्तै, सोमबार चाँदीको मूल्य पनि प्रतितोला ५ रुपैयाँले घटेको छ । अघिल्लो दिन १ हजार ३०५ रुपैयाँमा कारोबार भएको चाँदी आज भने घटेर १ हजार ३ सय रुपैयाँ कायम भएको छ ।
वि.सं.२०७८ फागुन ९ सोमवार १०:५३ मा प्रकाशित
