काठमाडौं । सूर्या लाइफले कम्पनीको सेयर संरचना परिर्वतन गर्न लागेको छ ।
कम्पनीले संस्थापक सेयरको हिस्सा घटाएर सर्वसाधरणको सेयर हिस्सा बढाउन लागेको हो ।
कम्पनीले हाल कायम संस्थापक तथा सर्वसाधारण शेयरधनीको अनुपात ६०ः४० रहेको छ । कम्पनीले यसलाई परिर्वतन गरेर ५१ः४९ प्रतिशत कायम गर्न लागेको हो ।
संस्थापक शेयरलाई सर्वसाधारणमा परिणत गर्न नचाहने शेयरधनीलाई ७ दिन भित्रमा स्वघोषणा गर्नको लागि पनि कम्पनीले आग्रह गरेको छ । संस्थापक शेयरधनी मध्य कसैले आफ्नो सेयर हिस्सा परिवर्तन गर्न नचाहेमा कम्पनीको कर्पोरेट कार्यालयमा निवेदन दिन सकिने कम्पनीले जनाएको हो ।
यदि कुनै पनि शेयरधनीहरुले परिवर्तन गर्न नचाहेको स्वघोषणा नगरेमा स्वत तोकिए बमोजीमको शेयर सर्वसाधारण समुहमा परिणत हुनेछ । कम्पनीले गत पुस १९ गतेको १३ औ वार्षिक साधारणसभाबाट शेयरधनी संचरना परिवर्तनको निर्णय पारित गरेको थियो । साधारणसभाबाट उक्त प्रस्ताव पारित भए सँगै आवस्यक प्रकृयाँ अगाडी बढाएको हो ।
सूर्या लाइफको हालको चुक्ता पूँजी २ अर्ब ५५ करोड २ लाख ८२ हजार १०० रुपैयाँ रहेको छ । हाल संस्थापक समुह तर्फ एक अर्ब ५३ करोड रुपैयाँ छ । संरचना परिवर्तन पछि संस्थापक शेयरधनीको २२ करोड ९५ लाख रुपैयाँको पूँजी स्वत सर्वसाधारण समुहको हुने छ । अर्थात संस्थापक शेयरधनीहरुको २ लाख २९ हजार ५२५ कित्ता दोस्रो बजारमा सजिलै कारोबार योग्य हुनेछ । हाल कम्पनीको सर्वसाधारण समुहको शेयर मूल्य ७४१ रुपैयाँ छ । संस्थापक शेयरधनीहरुले १००/२०० रुपैयाँको संस्थापक शेयर दोस्रो बजारबाट ७४१ रुपैयाँमा खरिद बिक्री गर्न पाउने छन् । यसबाट संस्थापक शेयरधनीहरु लाभांन्वित हुनेछन् ।
वि.सं.२०७८ फागुन ९ सोमवार ११:२० मा प्रकाशित