काठमाडौँ । माघ महिनामा सबैभन्दा बढी आयात तथा निर्यात विरगंज नाकाबाट भएको छ ।
विरगंज नाकाबाट मात्रै ४ खर्ब १ अर्ब ३२ करोड १७ लाख २९ हजार रुपैयाँ बराबरको वस्तु तथा सेवा आयात भएको हो । यो माघ महिनामा भएको कुल आयातको ३४.९७ प्रतिशत हो ।
माघ महिनामा नेपालमा सञ्चालन २६ नाकाबाट ११ खर्ब ४७ अर्ब ४६ करोड ४४ लाख ३६ हजार रुपैयाँ बराबरको वस्तु तथा सेवा आयात भएको छ ।
त्यस्तै पछिल्लो एक महिनामा सोही नाकाबाट ६० अर्ब ४ करोड ५० लाख ७० हजार रुपैयाँ बराबरको निर्यात भएको छ । यो कुल निर्यातको ४५.६१ प्रतिशत हो । माघ महिनामा कुल १ खर्ब ३१ अर्ब ६५ करोड ६० लाख ११ हजार रुपैयाँ बराबरको निर्यात भएको छ ।
आयात अवस्थाः
विरजंगपछि दोस्रोमा भैरहवाबाट बढी रकम बराबरको आयात भएको छ । कुल आयातको १६ प्रतिशत भन्दा बढी आयात सोही नाकाबाट आएको हो । त्यसैगरी तेस्रोमा त्रिभुवन विमानस्थलबाट कुल आयातको १२ प्रतिशत आएको छ ।
निर्यात अवस्थाः
विरगजंपछि दोस्रोमा निर्यात बढी गर्ने नाका विराटनगर रहेको छ । कुन निर्यातको २८ प्रतिशत बढी नियात सोही नाकाबाट भएको छ । त्यसैगरी तेस्रोमा १४ प्रतिशत निर्यात गर्न त्रिभुवन विमानस्थल सफल भएको छ ।
वि.सं.२०७८ फागुन १० मंगलवार १६:२० मा प्रकाशित
