काठमाडौँ । नयाँ सारथी लघुवित्त वित्तीय संस्थाले लाभांश घोषणा गरेको छ । फागुन १० गते मंगलबार बसेको कम्पनीको सञ्चालक समितिको बैठकले गत आर्थिक वर्षको मुनाफाबाट लगानीकर्ताको लागि लाभांश घोषणा गरेको हो ।
कम्पनीले हाल चुक्त पुजीँ २५ करोड ४९ लाखको १९ प्रतिशतले हुन आउने ४ करोड ८४ लाख ४१ हजार रुपैयाँ बराबरको बोनस दिन लागेको हो ।
साथै उक्त बोनस सेयरको लागि साविक सारथी लघुवित्त वित्तीय संस्था र नयाँ नेपाल लघुवित्त वित्तीय संस्था मर्जर प्रकृया सम्पन्न गरी नयाँ सारथी लघुवित्त वित्तीय संस्था लिमिटेडको नामबाट एकिकृत कारोबार प्रारम्भ भएको ०७७ आश्विन ५ गते पश्चात शेयर खरिद गरेका शेयरधनीहरुको लागि आयकर लाग्ने भएकाले करयोग्य बोनस शेयरको कर प्रयोजनका लागि १ प्रतिशत नगद लाभांश दिने भएको छ । १ प्रतिशत लाभांश अन्तर्गत २५ लाख ४९ हजार रुपैयाँ हुन आउँछ ।
वि.सं.२०७८ फागुन ११ बुधवार १०:३८ मा प्रकाशित