काठमाडौं । बैंक अफ काठमाण्डूले संस्थापक सेयर बिक्री गर्ने भएको छ ।
बैंकले संस्थापक सेयरधनी सुलोचना कसजुको नाममा रहेको ४७ हजार ३५० कित्ता संस्थापक सेयर बिक्री गर्न लागेको हो । उक्त सेयरको बिक्री मूल्य भने तोकिएको छैन ।
उक्त सेयर खरीद गर्न इच्छुक योग्य बैंकका हाल कायम संस्थापक सेयरधनीहरुले आवेदन दिन सक्नेछन् । सेयर खरिदका लागि आजैका मितिले ३५ दिनभित्र बैंकको कम्पनी सचिवको कार्यालयमा सम्पर्क गर्नुपर्नेछ ।
तोकिएको उक्त म्याभित्र विद्यमान संस्थापकहरुले सेयर खरिदका लागि आवेदन नदिएको खण्डमा प्रचलित कानून बमोजिम अन्य बिक्री प्रक्रिया अघि बढाईने बैंकले जनाएको छ ।
वि.सं.२०७८ फागुन ११ बुधवार ११:०६ मा प्रकाशित
