काठमाडौं । बुधवार सेयर बजारमा गिरावट आएको छ । उक्त दिन बजार १५.५० अंकले घटेको छ ।
साताको चौथो कारोबार दिन बजार परिसुचक २७२०.४३ अंकको बिन्दुमा पुगेर बन्द भएको छ । आज ३ अर्ब १३ करोड १२ लाख १० हजार रुपैयाँ बराबरको सेयर कारोबार भएको हो ।
आज हाइड्रोपावर समूह ३५.६६ अंक र म्युचुअल फण्ड ०.१३ अंकले वृद्धि भएको छ भने यी बाहेक सबै सूचकहरु राताम्मे बनेका छन् ।
आज दुई कम्पनीको सर्वाधिक सेयर कारोबार भएको छ । उक्त दिन नेपाल टेलिकमको सबैभन्दा बढी १९ करोड ३७ लाख ८५ हजार रुपैयाँ बराबरको सेयर कारोबार भएको छ ।
कारोबार रकमकै आधारमा दोस्रो स्थानमा रहेको घलेम्दी हाइड्रोको १२ करोड ८५ लाख २४ हजार रुपैयाँ बराबरको सेयर खरिदबिक्री भएको हो ।
वि.सं.२०७८ फागुन ११ बुधवार १५:२७ मा प्रकाशित