काठमाडौं । शाइन रेसुङ्गा डेभलपमेण्ट बैंकले बोनस सेयर वितरण गरेको छ ।
बैंकले गत मंसिर २९ गते सम्पन्न १३औं वार्षिक साधारणसभाबाट पारित १०.९३ प्रतिशत बोनस शेयर वितरण गरेको हो ।
बोनससँगै कर प्रयोजनका लागि नगद लाभांश समेत रहेकाले सदस्यहरुले कर बापतको रकम तिर्नुपर्ने छैन । फागुन ५ गते धितोपत्र दोस्रो बजारमा सूचीकृत गराएको उक्त बोनस सेयर कम्पनीले सम्बन्धित शेयरधनीहरुको हितग्राही खातामा जम्मा गरिदिएको हो ।
कम्पनीले गत आर्थिक वर्षको २०७७/७८ को मुनाफाबाट सेयरधनीहरुलाई १०.९३ प्रतिशत बोनस सेयर र कर प्रयोजनका लागि ०. ५७ प्रतिशत नगद लाभांश वितरणको प्रस्ताव पारित गरेको थियो ।
वि.सं.२०७८ फागुन १३ शुक्रवार १२:०७ मा प्रकाशित
