काठमाडौं । थप चार कम्पनीहरुले लाभांश प्रस्ताव गरेका छन् । पछिल्लो एक सातामा दुई वटा इन्स्योरेन्स र दुई लघुवित्त वित्तीय कम्पनीहरुले लाभांश प्रस्ताव गरेका हुन् ।
यस साता सगरमाथा इन्स्योरेन्स, एभरेष्ट इन्स्योरेन्स नयाँ सारथी लघुवित्त वित्तीय संस्था, जीवन विकास लघुवित्त वित्तीय संस्थाले सेयरधनीहरुलाई लाभांश प्रस्ताव गरेका छन् ।
सगरमाथा इन्स्योरेन्स : सगरमाथा इन्स्योरेन्स कम्पनीले लाभांश प्रस्ताव गरेको छ । कम्पनीको बिहीवार बसेको संचालक समितिको बैठकले सेयरधनीलाई २१.०५२६३ प्रतिशत लाभांश दिने प्रस्ताव गरेको हो ।
कम्पनीले आर्थिक वर्ष २०७७/७८ को मुनाफाबाट सेयरधनीहरुलाई २० प्रतिशत बोनस र कर प्रयोजनका लागि १.०५२६३ प्रतिशत नगद लाभांश दिने भएको हो ।
उक्त प्रस्तावित लाभांश बीमा समितिबाट स्वीकृत प्राप्त भई कम्पनीको आगामी वार्षिक साधारण सभाले पारित गरेपश्चात वितरण हुनेछ ।
एभरेष्ट इन्स्योरेन्स : एभरेष्ट इन्स्योरेन्स कम्पनीले लाभांश घोषणा गरेको छ ।
कम्पनीको फागुन १० गते मंगलबार बसको संचालक समितिको बैठकले सेयरधनीहरुलाई ६.०३१५८ प्रतिशत लाभांश दिने भएको हो ।
कम्पनीले आर्थिक वर्ष २०७७/७८ को मुनाफाबाट सेयरधनीहरुलाई ६ प्रतिशत बोनस सेयर र कर बापत ०.३१५८ प्रतिशत नगद लाभांश दिने भएको हो ।
उक्त प्रस्तावित लाभांश बीमाबाट स्वीकृत प्राप्त भई कम्पनीको आगामी वार्षिक साधारण सभाले पारित गरेपश्चात वितरण हुनेछ ।
नयाँ सारथी लघुवित्त : नयाँ सारथी लघुवित्त वित्तीय संस्थाले लाभांश घोषणा गरेको छ ।
फागुन १० गते मंगलबार बसेको कम्पनीको सञ्चालक समितिको बैठकले गत आर्थिक वर्षको मुनाफाबाट लगानीकर्ताको लागि लाभांश घोषणा गरेको हो ।
कम्पनीले हाल चुक्त पुजीँ २५ करोड ४९ लाखको १९ प्रतिशतले हुन आउने ४ करोड ८४ लाख ४१ हजार रुपैयाँ बराबरको बोनस दिन लागेको हो ।
साथै उक्त बोनस सेयरको लागि साविक सारथी लघुवित्त वित्तीय संस्था र नयाँ नेपाल लघुवित्त वित्तीय संस्था मर्जर प्रकृया सम्पन्न गरी नयाँ सारथी लघुवित्त वित्तीय संस्था लिमिटेडको नामबाट एकिकृत कारोबार प्रारम्भ भएको २०७७ आश्विन ५ गते पश्चात शेयर खरिद गरेका सेयरधनीहरुको लागि आयकर लाग्ने भएकाले करयोग्य बोनस सेयरको कर प्रयोजनका लागि १ प्रतिशत नगद लाभांश दिने भएको छ ।
जीवन विकास लघुवित्त : जीवन विकास लघुवित्त वित्तीय संस्थाले लाभांश घोषणा गरेको छ ।
कम्पनीको शनिबार बसेको संचालनक समितिको बैठकले ७३.६८ प्रतिशत लाभांश दिने निर्णय गरेको हो ।
कम्पनीले आर्थिक वर्ष २०७७/७८ को वितरणयोग्य मुनाफबाट सेयरधनीहरुलाई ७० प्रतिशत बोनस सेयर र कर प्रयोजनका लागि ३.६८ प्रतिशत नगद लाभांश दिने भएको हो ।
उक्त लाभांश अब नेपाल राष्ट्र बैंकबाट स्वीकृत प्राप्त भई कम्पनीको आगामी वार्षिक साधारण सभाले पारित गरेपश्चात वितरण हुनेछ ।
वि.सं.२०७८ फागुन १३ शुक्रवार १६:४३ मा प्रकाशित