काठमाडौं । साताको दोस्रो कारोबार दिन सुनको मूल्य वृद्धि भएको छ । सोमबार नेपाली बजारमा छापावाला सुनको मूल्य प्रतितोला १ हजार ६ सय रुपैयाँले वृद्धि भएको हो ।
आइतबार ९६ हजार ६ सय रुपैयाँमा कारोबार भएको सुन आज बढेर ९८ हजार २ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य भने ९७ हजार ७ सय रुपैयाँ कायम भएको छ । तेजावी सुन आइतबार ९६ हजार १ सय रुपैयाँमा कारोबार भएको थियो ।
यस्तै, सोमबार चाँदीको मूल्य पनि वृद्धि भएको छ । आज चाँदी प्रतितोला ४५ रुपैयाँले वृद्धि भई १ हजार ३४० रुपैयाँ कायम भएको छ । चाँदी सोमबार १ हजार २९५ रुपैयाँमा कारोबार भएको थियो ।
वि.सं.२०७८ फागुन १६ सोमवार १०:४८ मा प्रकाशित
