काठमाडौं । पेट्रोलियम पदार्थको मूल्य वृद्धिको प्रभाव कुखुराको मासुको मूल्यमा पनि देखिएको छ । व्यवसायीहरुले कुखुराको खुद्रा बिक्री मूल्य वृद्धि गरेका हुन् ।
कुखुराको मासुको मूल्य प्रतिकेजी ५० रुपैयाँसम्मले वृद्धि भएको हो । योसंगै प्रतिकेजी ३९५ रुपैयाँदेखि ४२० रुपैयाँसम्म पुगेको छ ।
पेट्रोलियम पदार्थको मूल्य वृद्धि भएपछि ढुवानी, दानापानीसम्मको मूल्य पनि बढेकाले व्यवसायीहरुले कुखुराको मासूको मूल्य बढाएका हुन् ।
गत महिनासम्म भने कुखुराको मासुको मूल्य प्रतिकेजी ३५० रुपैयाँ भन्दा कममा बिक्री भएको थियो । तर, फागुन लागेपछि भने कुखुराको मासुको मूल्य लगातार उकालो लागेको हो ।
वि.सं.२०७८ फागुन २० शुक्रवार १४:१० मा प्रकाशित
