काठमाडौं । हिमालयन रिइन्स्योरेन्स कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
कम्पनीले चालु आवको पुस मसान्तसम्म १२ करोड ४७ लाख ८८ हजार रुपैयाँ खुद नाफा गरेको छ । कम्पनीले चालु आवको पहिलो त्रैमासको तुलनामा भने यो नाफा १६१.७२ प्रतिशतले वृद्धि भएको हो । कम्पनीले पहिलो त्रैमासमा ४ करोड ७६ लाख ८० हजार रुपैयाँ नाफा गरेको थियो ।
पहिलो त्रैमासमा तुलनमा कम्पनीको आम्दानी १५७.७८ प्रतिशतले वृद्धि भई दोस्रो त्रैमासमा २० करोड ४३ लाख २७ हजार रुपैयाँ पुगेको छ ।
उक्त अवधिमा कम्पनीले ३० करोड ५५ लाख ५८ हजार रुपैयाँ कुल बीमा शुल्क आर्जन गरेको छ । चालु आवको पहिलो त्रैमासको तुलनामा भने २७८.१७ प्रतिशतले बीमा शुल्क आर्जन बढाएको हो । पहिलो त्रैमासमा कम्पनीको यो शुल्क ८ करोड ८ लाख रुपैयाँ रहेको थियो ।
कम्पनीको चुक्ता पुँजी ७ अर्ब रुपैयाँ रहेको छ । कम्पनीले जगेडा तथा कोषमा भने १२ करोड ८९ लाख ३५ हजार रुपैयाँ राखेको छ ।
यस्तै, कम्पनीको बीमा कोषमा ४८ लाख १९ हजार, महाविपत्ति कोषमा ४ लाख ६० हजार रुपैयाँ रहेको छ ।
वि.सं.२०७८ फागुन २३ सोमवार १३:१० मा प्रकाशित