काठमाडौं । बिहीवार नेपाली बजारमा सुनको मूल्य सस्तिएको छ । सुनको भाउ आज एकैदिन प्रतितोला ३ हजार ५ सय रुपैयाँ घटेको हो ।
बुधवार १ लाख ५ हजार ५ सय रुपैयाँ पुगेर ऐतिहासिक रेकर्ड बनाएको सुनको भाउमा आज भने गिरावट आएको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य १ लाख २ हजार रुपैयाँ कायम भएको छ। तेजावी सुन भने आजका लागि १ लाख १ हजार ५ सय रुपैयाँ तोकिएको छ ।
यस्तै, साताको पाँचौ कारोबार दिन चाँदीको मूल्यमा पनि गिरावट आएको छ । आज प्रतितोला ४५ रुपैयाँले घटेर १ हजार ४०५ रुपैयाँ कायम भएको छ । बुधावर भने १ हजार ४५० रुपैयाँमा कारोबार भएको थियो ।
वि.सं.२०७८ फागुन २६ बिहीवार १०:५५ मा प्रकाशित
