काठमाडौं । वोमी लघुवित्त वित्तीय संस्थाले बोनस बापतको कर जम्मा गर्न सेयरधनीहरुलाई आग्रह गरेको छ ।
कम्पनीले आर्थिक वर्ष २०७७/२०७८ को नाफाबाट सेयरधनीको लागि २० प्रतिशत बोनस वितरण गर्ने निर्णय गरेको छ ।
कम्पनीको गत पुस १६ गते सम्पन्न १०औं साधारण सभाले उक्त बोनस वितरण गर्ने प्रस्ताव पारित गरेको हो ।
एक सूचना निकाल्दै कम्पनीले उक्त बोनसमा लाग्ने कर बापतको रकम कम्पनीको सेयर रजिष्ट्रार कुमारी क्यापिटल, नक्साल वा कुमारी बैंकको कुनैपनि शाखा कार्यालयमा सम्पर्क राखि जम्मा गर्न अनुरोध गरेको हो ।
हालसम्म पनि सेयर अभौतिकीकरण नगरेका सेयरधनीहरुको हकमा सेयर अभौतिकीकरण गराएपछि मात्र बोनस खातामा पठाउने कमपनीले जानकारी गराएको छ ।
अन्य विस्तृत जानकारीका लागि हेर्नुहोस्, सूचना :
वि.सं.२०७८ चैत ४ शुक्रवार १२:०९ मा प्रकाशित
