काठमाडौँ । फागुन महिनामा वाणिज्य बैंकहरुले निक्षेपमा साढे २१ अर्ब बढी रकम थपेका छन् ।
माघ मसान्तमा वाणिज्य बैंकहरुको बैंकिङ्ग प्रणालीमा ४३ खर्ब १० अर्ब ८५ करोड निक्षेप भएकोमा फागुन ३० गते यस्तो रकम ४३ खर्ब ३२ अर्ब ५१ करोड देखिएको हो । अर्थात फागुनको निक्षेप माघको भन्दा २१ अर्ब ६६ करोड बढी हो ।
फागुनमा महिनामा सेञ्चुरी, सिभिल, एभरेष्ट, हिमालयन, कुमारी, लक्ष्मी, नेपाल एसबिआई बैंक, नबिल, प्राईम र सिद्धार्थ बैंकको निक्षेप संकलनदर घटेको छ ।
यस्तै समिक्षा अवधिमा वाणिज्य बैंकहरुले कर्जा विस्तार भने १७ अर्ब १५ करोड बढाएका छन् । माघ महिनासम्म ४१ खर्ब ५४ अर्ब ८४ लाख कर्जा विस्तार गरेकोमा फागुनको अन्त्यसम्म ४१ खर्ब ७१ अर्ब ९९ करोड लगानि विस्तार गरेका हुन् ।
सिभिल, ग्लोबल, हिमालयन, लक्ष्मी, माछापुच्छ्रे, नबिल, नेपाल एसबिआई, सिद्धार्थ बैंक, स्ट्यान्डर्ड चार्टर्ड नेपाल र सनराइज बैंकले कर्जा विस्तार घटाएका छन् ।
वि.सं.२०७८ चैत ४ शुक्रवार १५:३२ मा प्रकाशित