काठमाडौं । सेयर बजारमा ३ करोड ४५ लाख ३५ हजार कित्ता सेयर थपिएको छ । साताको पहिलो र दोस्रो कारोबार दिन ७ कम्पनीको बोनस सेयर सूचीकृत भएको हो ।
आइतबार एभरेष्ट बैंक, एनएमबी बैंक, र गणपति लघुवित्तको गरि कुल २ करोड ५९ लाख ८५ हजार ६ सय ५९.२०५ कित्ता बोनस सेयर सुचिकृत भएको हो ।
जसमध्ये एभरेष्ट बैंकको ६ प्रतिशतले हुन आउने ५३ लाख ३६ हजार २ सय ३०.३१ कित्ता, एनएमबि बैंकको १२.५० प्रतिशतले हुन आउने २ करोड ४ लाख ७ हजार ४ सय ५१.०७ कित्ता र गणपति लघुवित्तको १९ प्रतिशतले हुन आउने २ लाख ४१ हजार ९ सय ७७.८२५० कित्ता बोनस सेयर सुचिकृत भएको हो ।
यस्तै, साताको दोस्रो कारोबार दिन अर्थात सोमबार भने थप चार कम्पनीको बोनस सेयर नेप्सेमा सूचीकृत भएको छ ।
सोमबार नेप्सेमा वोमी लघुवित्त वित्तीय संस्था, नेपाल एसविआई बैंक, प्राइम लाइफ इन्स्यारेन्स र पोखरा फाइनान्सको बोनस सेयर सूचीकृत भएको हो ।
नेप्सेमा वोमी लघुवित्त वित्तीय संस्थाको ८ लाख २३ हजार ८८८.८० कित्ता बोनस सेयर सूचीृकत भएको छ । कम्पनीले २० प्रतिशत वापतको उक्त बोनस सेयर नेप्सेमा सूचीकृत भएको हो ।
नेप्सेमा नेपाल एसबिआई बैंकको ३३ लाख २२ हजार ७५२.२६०३ कित्ता बोनस सेयर सूचीकृत भएको छ ।
यस्तै, प्राईम लाईफ इन्स्योरेन्सको ३६ लाख २५ हजार ५८५.५४ कित्ता र पोखरा फाइनान्सको ७ लाख ७७ हजार ७४०.२३ कित्ता बोनस सेयर सूचीकृत भएको हो ।
वि.सं.२०७८ चैत ७ सोमवार १७:३४ मा प्रकाशित
