काठमाडौँ । रुस र युक्रेनको युद्ध चलिरहेको बेला यतिबेला बजारमा महँगिको त्रास छाइरहेको छ ।
नेपाल आयातमुखि अर्थतन्त्र भएको मुलुकको कारण विश्वका कुनैपनि देशहरुबिच युद्ध हुँदा नेपाललाई प्रभाव पर्नु स्वभाविक पनि हो ।
यद्यपी अहिले चहिरहेको रुस र युक्रेनको युद्धले नेपालको उपभोग बजारमा भने त्यत्ति प्रभाव पर्ने देखिदैन । अहिलेसम्म अर्थात चालु आर्थिक वर्षको पहिलो ८ महिनाको आयात अवस्था हेर्दा यी दुई देशबाट हुने आयात कुल आयातको २ प्रतिशत मात्रै हो । यो सिधै यी दुई मुलकबाट आउने आयातको मूल्य अनुसार हो ।
फागुनसम्ममा नेपालमा रुसबाट ४ अर्ब ४३ करोड १५ लाख ३४ हजार रुपैयाँ बराबरको आयात भएको छ । त्यस्तै युक्रेनबाट १८ अर्ब ५ करोड ५ लाख ५२ हजार रुपैयाँ बराबरको आयात भएको छ ।
दुई देशबाट कुल २२ अर्ब ४८ करोड २० लाख ८६ हजार मुल्य बराबरको आयात भएको छ । जुन कुल आयातको २ प्रतिशत मात्रै हो । अर्थात नेपालमा बाह्य मुलुकबाट फागुनसम्म १३ खर्ब ८ अर्ब ७३ करोड ४८ लाख ५६ हजार रुपैयाँ बराबरको आयात भएको हो ।
आठ महिनाको तथ्यांक अनुसार नेपालले युक्रेनसँगको व्यापारमा १८ अर्ब ४ करोड ८६ लाख २३ हजार रुपैयाँको व्यापार घाटा व्यहोरेको छ । अर्थात समिक्षा अवधिमा नेपालबाट युक्रेन मात्रै १९ लाख २९ हजार बराबरको वस्तु तथा सेवा निर्यात गरिएका हो ।
यस्तै नेपालले समिक्षा अवधिमा रुससँग ४ अर्ब २७ करोड ७६ लाख ९६ हजार रुपैयाँ बराबर व्यापार घाटा व्यहोरेको छ । यो अवधिमा नेपालले रुसमा मात्रै १५ करोड ३८ लाख ३८ हजार रुपैयाँ बराबर रकमको मात्रै निर्यात गरेको हो ।
वि.सं.२०७८ चैत ७ सोमवार १८:४९ मा प्रकाशित
