काठमाडौं । नेपाल स्टक एक्सचेञ्ज (नेप्से) ले दुई कम्पनीको सेयर मूल्य समायोजन गरेको छ ।
नेप्सेले जीवन विकास लघुवित्त वित्तीय संस्था र नेपाल दुरसञ्चार कम्पनी (एनटीसी) को बोनस सेयरको मूल्य समायोजन गरेको हो ।
यी दुवै कम्पनीको भोलि अर्थात चैत ११ गते साधारण सभा तथा लाभांश वितरण प्रयोजनका लागि बुक क्लोज गर्ने भएकाले मूल्य समायोजन भएको हो ।
नेप्सेले जीवन विकास लघुवित्तको ७० प्रतिशत बोनस सेयरको मूल्य समायोजनपछि प्रतिकित्ता ३ हजार रुपैयाँ तोकेको छ । कम्पनीको बिहीबार कायम अन्तिम कारोबार सेयर मूल्य ५ हजार १ सयको आधारमा मूल्य समायोजन भएको हो ।
यस्तै, नेप्सेले टेलिकमको २० प्रतिशत बोनस सेयरको मूल्य समोजनपछि १ हजार २२० रुपैयाँ ८३ पैसा तोकेको छ । कम्पनीको बिहीबार कायम अन्तिम कारोबार सेयर मूल्य १ हजार ४६५को आधारमा नेप्सेले समायोजन गरेको हो ।
वि.सं.२०७८ चैत १० बिहीवार १६:५६ मा प्रकाशित