काठमाडौं । नेपाल स्टक एक्सचेञ्ज (नेप्से) मा दुई कम्पनीको ५९ लाख ३० हजार कित्ता बढी बोनस सेयर सूचीकृत भएको छ ।
नेप्सेमा आइतबार सबैको लघुवित्त वित्तीय संस्था र एशियन लाइफ इन्स्योरेन्स कम्पनीको बोनस सेयर सूचीकृत भएको हो ।
जसमध्ये सबैको लघुवित्तको ३०.०५ प्रतिशत बापतको ६ लाख ३९ हजार ७२७.५० कित्ता र एशियन लाइफको ५२ लाख ९० हजार ७४२.७२ कित्ता बोनस सेयर नेप्सेमा सूचीकृत भएको हो ।
यी दुवै कम्पनीको बोनस सेयर अब सम्वन्धित सेयरधनीहरुको हितग्राही खातामा जम्मा भएपछि लगानीकर्ताहरुले खरिदबिक्री गर्न सक्नेछन् ।
वि.सं.२०७८ चैत १३ आइतवार १४:४५ मा प्रकाशित
