काठमाडौं । नेपाल एसोसिएसन अफ टुर एन्ड ट्राभल एजेन्ट्स (नाट्टा) को सदस्यमा साधुराम थापा ‘सुरज’ ले उम्मेदवारी दिनुभएको छ ।
टुर तथा ट्राभल व्यवसायीहरूको छाता संगठन नाट्टाको आगामी बिहीबार अर्थात चैत १७ गते हुने लागेको नयाँ कार्यसमितिको निर्वाचनमा थापाले उम्मेदवारी दिनुभएको हो ।
धादिङको गोगनपानीमा २०४२ सालमा जन्मनु भएका ‘सुरज’ले व्यवस्थापन विषयमा स्नातकसम्मको अध्ययन गर्नुभएको छ ।
सन् २०१४ मा स्काइलर्ड ट्राभल एन्ड टुर्स प्रा लि मार्फत पर्यटन व्यवसायमा प्रबेश गर्नु भएका थापा छोटो समयमा नै पर्यटन व्यवसायीहरु माझ लोकप्रिय हुनुहुन्छ ।
पर्यटन व्यवसाय प्रवर्धनको सिलसिलामा यूरोप, अमेरिका, क्यानडा लगायत विश्वका विभिन्न मुलुकहरुको भ्रमण गरिसक्नुभएका थापा सामाजिक क्रियाकलापमा समेत उत्तिकै सक्रिय हुनुहुन्छ ।
मुख्यतः अन्तर्राष्ट्रिय टिकेटिङमा राम्रो प्रभाब बनाएका थापाले आफु नाट्टाको सदस्य बनेर आइटा, एयरलाइन्स र जिडिएससम्बन्धी प्रमुख समस्याहरुलाई विषेश प्राथमिकतामा राखी दीर्घकालिन समाधान लागि पनि आफ्नो उम्मेदवारी रहेको थापाले बताउनुभयो ।
नन–आइटा एजेन्सीहरुले भोग्नु परेका समस्याहरुलाई विषेश प्राथमिकतामा राखी उक्त समस्याहरुको दिर्घकालिन समाधान गर्न आफु लागि पर्ने प्रतिवद्धता जनाउनु भएको छ ।
एजेन्सीहरुले भोग्नु परेका समस्याहरुका बारेमा जानकार थापाले उक्त समस्याहरुलाई समाधान गर्न आफुले कुनै कसर बाकी नराख्ने दावी समेत गर्नु भयो ।
नेपालको पर्यटन क्षेत्रको विकासमा केही योगदान गरौं भन्ने उद्देश्यले स्वदेश फर्केर यस व्यवसायमा जमेका थापा आफु बाचुञ्जेल क्रियाशिल रहने बताउनुभयो ।
वि.सं.२०७८ चैत १४ सोमवार ०८:५९ मा प्रकाशित