काठमाडौं । सेञ्चुरी कमर्सियल बैंकले संस्थापक सेयर बिक्री गर्ने भएको छ ।
बैंकले केही संस्थापक सेयरधनीहरुको नाममा रहेको संस्थापक सेयरमध्ये आंशिक र पुरा सेयर बिक्री गर्न लागेको हो ।
बैंकको संस्थापक सेयर खरिद गर्न इच्छुक हाल कायम संस्थापक सेयरधनीहरुले आवेदन दिन सक्नेछन् ।
आवेदन आजैका मितिले ३५ दिनभित्र आवश्यक कागजात प्रमाण संलग्न गरि बैंकको केन्द्रिय कार्यालयमा पेश गर्नुपर्नेछ ।
तोकिएको उक्त म्यादभित्र हाल कायम संस्थापकहरुले सेयर खरिदका लागि आवेदन पेश नगरेको खण्डमा प्रचलित नियमानुसार अन्य व्यक्तिलाई बिक्री गर्ने सम्वन्धी प्रक्रिया अघि बढाईने बैंकले जनाएको छ।
वि.सं.२०७८ चैत १४ सोमवार १२:४५ मा प्रकाशित