काठमडौं । उपकार लघुवित्त वित्तीय संस्थाले आईपीओ निष्काशन गर्ने भएको छ । कम्पनीले चैत २५ गतेदेखि आईपीओ निष्काशन गर्ने भएको हो ।
कम्पनीले २ करोड ३६ लाख २५ हजार बराबरको प्रतिसेयर १०० अंकित दरका २ लाख ३६ हजार २५० कित्ता आईपीओ निष्काशन गर्न लागेको हो ।
कम्पनीले निष्काशन गर्ने कुल सेयरमध्ये ३ हजार २८१ कित्ता कर्मचारीहरुका लागि सुरक्षित गरिएको छ भने ११ हजार ८१३ कित्ता शेयर सामूहिक लगानी कोषहरुलाई र बाँकी रहेको २ लाख २१ हजार १५६ कित्ता सर्वसाधारणहरुका लागि छुट्याएको छ ।
उक्त आईपीओमा छिटो चैत २९ गतेसम्म र माग बमोजिम आवेदन नपरेको खण्डमा ढिलोमा २०७९ वैशाख ९ गतेसम्म आवेदन दिन सकिनेछ ।
आईपीओ खरिदका लागि न्यूनतम १० कित्ता र अधिकतममा १ हजार कित्ताका लागि आवेदन दिन सक्नेछन् ।
कम्पनीको आईपीओ निष्काशन तथा तथा बिक्री प्रबन्धक नेपाल एसबिआई बैंकिङ्ग लिमिटेड रहेको छ ।
वि.सं.२०७८ चैत १६ बुधवार ११:१९ मा प्रकाशित