काठमाडौं । रिभर फल्स पावर लिमिटेडले चैत २७ गतेदेखि आईपीओ निष्काशन तथा बिक्री खुला गर्ने भएको छ ।
कम्पनीले पहिलो चरणमा आयोजना प्रभावित स्थानीय बासिन्दाहरुका लागि आईपीओ बिक्री तथा निष्काशन गर्न लागेको हो ।
कम्पनीले ७० करोड रुपैयाँ बराबरको १०० रुपैयाँ अंकित मूल्यका कुल ७ लाख कित्ता आईपीओ निष्काशन गर्न लागेको हो ।
उक्त आईपीओमा स्थानीयले छिटोमा वैशाख ११ गतेसम्म माग बमोजिम आवेदन नपरेको खण्डमा भने वैशाख २६ गतेसम्म आवेदन दिन सक्नेछन ।
उक्त आईपीओ खरीदका लागि न्यूनतम १० कित्तादेखि अधिकतममा १ लाख कित्तासम्म आवेदन दिन सकिने कम्पनीले जनाएको छ ।
आईपीओ खरीदका लागि प्राइम कमर्सियल बैंकका खाँदवारी, तुम्लिङटार, सभापोखरी, प्रभु बैंकको खाँदवारी शाखा, ग्लोबल आइएमई बैंकको खाँदवारी, चैनपुर शाखा, रिभर फल्स पावरको आयोजना कार्यालय, संखुवासभाबाट आवेदन दिन सकिने कम्पनीले जनाएको छ ।
यी सँगै आस्बा सेवामा सहभागी सम्पूर्ण बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ ।
कम्पनीको आईपीओ निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।
वि.सं.२०७८ चैत १८ शुक्रवार ०८:५३ मा प्रकाशित