काठमाडौं । प्राइम लाइफ इन्स्योरेन्स, स्वाभिमान लघुवित्त वित्तीय संस्थाले सम्वन्धित सेयरधनीहरुको हितग्राही खातामा बोनस सेयर जम्मा गरिदिएको छ ।
यी दुवै कम्पनीहरुले शुक्रबार छुट्टाछुट्टै सूचना निकाल्दै सेयरधनीहरुको हितग्राही खातामा बोनस सेयर जम्मा गरिदिएको जनाएको हो ।
प्राइम लाइफ इन्स्योरेन्सले गत मंसिर १९ सम्पन्न १४औं साधारण सभाबाट पारित १५ प्रतिशत बोनस सेयर शेयरधनीको हितग्राही खातामा जम्मा गरिदिएको हो ।
हालसम्म पनि आफ्नो सेयर प्रमाणपत्र अभौतिक नगर्ने सेयरधनीको हकमा आफूसँग भएको सेयर प्रमाणपत्र अभौतिक गराई सोको जानकारी प्राप्त भए पश्चात सम्बन्धित सेयरधनीको हितग्राही खातामा उक्त बोनस जम्मा गर्ने कम्पनीे जनाएको छ ।
यस्तै, स्वाभिमान लघुवित्त वित्तीय संस्थाले पुस ८ गते सम्पन्न पाँचौं साधारण सभाबाट पारित ३२.३० प्रतिशत बोनस सेयर सेयरधनीको हितग्राही खातामा जम्मा गरिदिएको हो ।
कम्पनीले मंसिर २२ गतेसम्म भौतिक सेयर धारण गरेका सेयरधनीहरुको हितग्राही खातामा उक्त बोनस चैत १५ गतेदेखि सेयर जम्मा गरिदिएको हो ।
कम्पनीको शेयर रजिष्ट्रारमा सिद्धार्थ क्यापिटल रहेको छ ।
वि.सं.२०७८ चैत १८ शुक्रवार ११:४३ मा प्रकाशित
