काठमाडौं । साताको चौथो कारोबार दिन सुनको मूल्यमा गिवरावट आएको छ । उक्त दिन नेपाली बजारमा छापावाला सुनको भाउ तोलामा ३ सय रुपैयाँले घटेको हो ।
मंगलबार ९८ हजार ८ सय रुपैयाँमा कारोबार भएको सुन आज घटेर ९८ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि तेजावी सुनको मूल्य भने ९८ हजार रुपैयाँ तोकिएको छ । अघिल्लो दिन तेजावी सुन ९८ हजार ३ सय रुपैयाँमा खरिदबिक्री भएको थियो ।
यस्तै, बुधवार चादीको मूल्यमा पनि गिरावट आएको छ । उक्त दिन चाँदी तोलामा ५ रुपैयाँले घटेर १ हजार ३३५ रुपैयाँ कायम भएको छ । अघिल्लो दिन भने १ हजार ३४० रुपैयाँमा कारोबार भएको थियो ।
वि.सं.२०७८ चैत २३ बुधवार ११:१३ मा प्रकाशित
