काठमाडौं । मंगलबार सुनको मूल्य वृद्धि भएको छ । उक्त दिन नेपाली बजारमा छापावाला सुनको मूल्य तोलामा ८ सय रुपैयाँले वृद्धि भएको हो ।
सोमबार १ लाख १ सय रुपैयाँमा कारोबार भएको सुन आज भने बढेर १ लाख ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य पनि १ लाख ४ सय रुपैयाँ तोकिएको छ । अघिल्लो दिन तेजावी सुन ९९ हजार ६ सय रुपैयाँमा खरिदबिक्री भएको थियो ।
यस्तै, साताको तेस्रो कारोबार दिन चाँदीको मुल्यमा पनि बढोत्तरी देखिएको छ । उक्त दिन चाँदी प्रतितोला १५ रुपैयाँले बढेर १ हजार ३८० रुपैयाँ कायम भएको छ । सोमबार भने १ हजार ३६५ रुपैयाँमा कारोबार भएका महासंघले जनाएको छ।
वि.सं.२०७८ चैत २९ मंगलवार ११:३९ मा प्रकाशित