काठमाडौं । थप दुई कम्पनीले आईपीओ निष्काशनका लागि अनुमति पाएका छन् ।
नियामक निकाय नेपाल धितोपत्र बोर्ड (सेबोन)ले दुई हाइड्रोपावर कम्पनीलाई आईपीओ निष्काशन गर्न अनुमति दिएको हो ।
आईपीओ निष्काशनका लागि विन्धावासिनी हाइड्रोपावर डेभलपमेन्ट कम्पनी र दोर्दी खोला जलविद्युत कम्पनीले बोर्डबाट अनुमति पाएका हुन् ।
बोर्डले विन्धावासिनी हाइड्रोपावरलाई २५ करोड रुपैयाँ बराबरको २५ लाख कित्ता आईपीओ निष्काशन गर्न अनुमति दिएको छ ।
कम्पनीले अब आयोजना प्रभावित स्थानीय बासिन्दाहरुका लागि र सर्वसाधारणका लागि आईपीओ निष्काशन गर्नेछ । कम्पनीले चैत २८ गते बोर्डबाट अनुमति पाएको हो ।
कम्पनीको आईपीओ निष्काशन तथा बिक्री प्रबन्धकमा सानिमा क्यापिटल लिमिटेड रहेको छ ।
यस्तै, बोर्डले दोर्दी जलविद्युत कम्पनीलाई पनि आईपीओ निष्काशनका लागि अनुमति दिएको छ । कम्पनीले आयोजना प्रभावित स्थानिय र सर्वसाधारणको लागि आईपीओ निष्काशन गर्न बोर्डबाट अनुमति पाएको हो ।
कम्पनीले २९ करोड ५१ लाख ९२ हजार ९०० रुपैयाँ बराबरको २९ लाख ५१ हजार ९२९ कित्ता आईपीओ निष्काशन गर्न चैत २८ गते अनुमति दिएको हो ।
कम्पनीको आईपीओ निष्काशन तथा बिक्री प्रबन्धक सिद्धार्थ क्यापिटल रहेको छ ।
वि.सं.२०७९ वैशाख १ बिहीवार १२:५५ मा प्रकाशित
