काठमाडौं । नयाँ वर्ष २०७९ को पहिलो कारोबार दिन सुनको मूल्यमा बढोत्तरी देखिएको छ ।
आज अर्थात बैशाख २ गते नेपाली बजारमा छापापवाला सुनको मूल्य तोलामा ५ सय रुपैयाँले वृद्धि भएको हो ।
अघिल्लो दिन अर्थात २०७८ चैत मसान्त १ लाख १ हजार ५ सय रुपैयाँमा कारोबार भएको सुन आज घटेर १ लाख २ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य १ लाख १ हजार ५ सय रुपैयाँ तोकिएको छ । अघिल्लो कारोबार दिन भने तेजावी सुन १ लाख १ हजार रुपैयाँमा कारोबार भएको थियो ।
यस्तै, उक्त दिन चाँदीको मूल्य वृद्धि भएको छ । आज चाँदी तोलामा १५ रुपैयाँले वृद्धि भई १ हजार ४१५ रुपैयाँ कायम भएको छ । अघिल्लो कारोबार दिन भने चाँदी १ हजार ४ सय रुपैयाँमा खरिदबिक्री भएको थियो ।
वि.सं.२०७९ वैशाख २ शुक्रवार ११:५३ मा प्रकाशित
